Presentamos a web de LAUTORA

A iniciativa LAUTORA nace co fin de ser un espazo onde tanto persoas creadoras como usuarias dalgún tipo de propiedade intelectual, cultural ou artística poidan informarse acerca dos seus dereitos e obrigas, coñecendo de forma clara e transparente cales son.

Por que esta iniciativa? Porque nos decatamos de que as Entidades de Xestión Colectiva actúan de forma opaca, abusiva e como un monopolio.

Nesta nova web, poderás coñecer que son esas Entidades de Xestión Colectiva, quen se ve afectada pola súa xestión, saber máis acerca desta iniciativa, así como coñecer os teus dereitos e as súas obrigas.

LAUTORA inclúe, ademais, un TEST DE CUMPRIMENTO, que calquera persoa usuaria ou profesional pode realizar para saber se se está a ver afectada de maneira inxusta pola ineficacia da xestión destas entidades.

Así mesmo, como LAUTORA busca mudar este sistema inxusto, incorporamos un apartado onde podes apoiarnos asinando (www.lautora.es/nos-apoyan/), para que máis adiante poidamos contar cos apoios necesarios para tratar de cambiar a lei.

Coñece LAUTORA na nosa páxina web – www.lautora.es.